ការពុលថ្នាំសម្លាប់សត្វល្អិតប្រភេទ អូហ្គាណូផូស្វ័រ! Organophosphorés (OP)

ការពុលថ្នាំសម្លាប់សត្វល្អិតប្រភេទ អូហ្គាណូផូស្វ័រ Organophosphorés (OP)

Add caption

ក) អូហ្គាណូផូស្វ័រ (Organophosphorés) ជាអ្វី?
ជាប្រភេទមួយនៃថ្នាំសំលាប់សត្វល្អិត ដែលត្រូវយកមកប្រើយ៉ាងទូលំទូលាយក្នុងវិស័យកសិកម្ម។

ខ) ផ្លូវនៃការពុល (Voies d’intoxication)៖
ជាទូទៅផ្លូវនៃការពុល តាមរយៈ ៣ ប្រភេទៈ
១. តាមមាត់ (orale): ដែលយើងជួបច្រើនជាងគេ ក្នុងគោលបំណងសំលាប់ខ្លួន រឺដោយសារការផឹកច្រឡំផ្សេងៗ។
២. តាមស្បែក (transdermique): វាអាចកើតឡើង ដោយថ្នាំប្រលាក់នឹងសំលៀកបំពាក់ រឺការប៉ះពាល់ផ្ទាល់។
៣. តាមផ្លូវដង្ហើម: នៅពេលដែលប្រើប្រាស់ថ្នាំសម្លាប់សត្វល្អិតនេះ ដោយមិនបានពាក់ម៉ាស់ត្រឹមត្រូវ។

គ) រោគសញ្ញនៃការពុល៖
រោគសញ្ញានៃការពុលថ្នាំ (OP) វាស្តែងចេញជាបណ្តុំរោគសញ្ញា ៣ ដំណាក់កាល:
១. សញ្ញាដំបូង (Symptômes précoces):

- Syndrome muscarinique: រួមប្រស្រីភ្នែក (myosis), ហៀរសំបោរ (Rhinorrhée), ចេញទឹកមាត់ច្រើន (Hypersialorrhée), មានស្លេសច្រើនតាមទងសួត (Hypersécrétion bronchique), ចង្វាក់បេះដូងដើរយឺត, ចុះសម្ពាធឈាម, ឈឺពោះ, រាគ…

- Syndrome nicotinique: អស់កំលាំង, ខ្សោយសាច់ដុំ, ពិបាកដកដង្ហើម។
- Syndrome central: វង្វេងស្មារតី, សន្លប់, ប្រកាច់, វិបត្តិផ្លូវដង្ហើមធ្ងន់ធ្ងរ អាចបណ្តាលអោយបាត់បង់ជីវិត។
២. សញ្ញាបន្ទាប់: រោគសញ្ញានេះកើតមាន ៤៨ ទៅ ៩៦ ម៉ោង បន្ទាប់ពីកាពុល
- ការខ្សោយនៃសាច់ដុំ, វិបត្តិផ្លូវដង្ហើម
៣. សញ្ញានៅពេលក្រោយ: រោគសញ្ញានេះកើតមាន ២ ទៅ ៣ អាទិត្យ បន្ទាប់ពីកាពុល
- ជំងឺនៃប្រព័ន្ធសរសៃប្រាសាទ (Polyneuropathie) , ស្ពឹក

ឃ) ការព្យាបាល៖
១. ការព្យាបាលទូទៅៈ
- ផ្តល់អុកស៊ីសែ្សន
- បឺតស្លេស
- ដាក់ទុយយោដង្ហើមសិប្បនិម្មិត ក្នុងករណីមានវិបត្តិផ្លូវដង្ហើមធ្ងន់ធ្ងរ រឺបាត់បង់ស្មារតី

២. ដោះសំលៀកបំពាក់ដែរប្រលាក់ថ្នាំពុល។ ហើយការលាងក្រពះអាចធ្វើទៅបាន លុះត្រាតែអ្នកជំងឺមានសភាពនឹងនរ រឺដាក់ទុយយោដង្ហើមសិប្បនិម្មិតរួច
៣. ការព្យាបាលជាក់លាក់(Traitement spécifique): ប្រើថ្នាំបន្សាបថ្នាំពុល (OP)។

ង) ដំបូន្មាន៖
ដើម្បីចៀសវាងការពុលថ្នាំសំលាប់ល្អិត យើងត្រូវៈ
- ចំពោះអ្នកប្រើប្រាស់ ត្រូវប្រើប្រាស់សំលៀកបំពាក់ ម៉ាស់ មួក និងវ៉ែនតាអោយបានត្រឹមត្រូវ។
- ទុកថ្នាំសំលាប់ល្អិតអោយឆ្ងាយពីដៃក្មេង នឹងទុកនៅកន្លែងមានសុវតិ្ថភាព។