កង្វះជីវជាតិ បេ១

Beri-Beri រឺការកង្វះជីវជាតិ បេ១ គឺកើតឡើងបន្ទាប់ពីការបរិភោគមិនគ្រប់គ្រាន់នូវជីវជាតិនេះ ។ Beri-Beri ប៉ះពាល់ជាពិសេស ចំពោះបុគ្គលដែលតម្រូវការជីវជាតិ បេ១ កើនឡើង ដូចជា នៅពេលមានគភ៌ នៅពេលបំបៅកូន នៅពេលមានគ្រុនជាដើម ។ ចំណីអាហារដែលសម្បូរទៅដោយជីវជាតិ បេ១ មាន ទឹកដោះគោ គ្រាប់ធញ្ញជាតិ(អង្ករ) បន្លែ ផ្លែឈើ ថ្លើម សាច់ ស៊ុត ។ អង្ករសម្រូប សម្បូរទៅដោយជីវជាតិ បេ១ ។ ចំពោះមនុស្សពេញវ័យ កង្វះជីវជាតិ បេ១ បណ្តាលមកពីសុរា ។

សញ្ញាគ្លីនិក

ទម្រង់ស្រួចស្រាវនៃទារក (ទំរង់បេះដូង)

- ជានិច្ចកាលចំពោះទារកអាយុពី ១ទៅ៤ខែ (ជួនកាលអាយុលើសនេះបន្តិច) ។

- ធម្មតាជាទារកដែលចិញ្ចឹមដោយទឹកដោះម្តាយ (ពិនិត្យម្តាយ)

- ជំងឺនេះចាប់ផ្តើមញឹកញាប់នៅពេលមានការរលាកសាមញ្ញ នៅផ្លូវដង្ហើម(រលាកច្រមុះ ផ្តាសាយ) ឬពេលកើតជំងឺគ្រុនចាញ់

- កុមារមានការមិនឃ្លានអាហារ (ពិបាកបរិភោគ) និងក្អួត មិនងងុយដេក និងឡេះឡោះ ។

ស្លេកស្លាំង (រួមសសៃឈាម)
គ្មានគ្រុន ឬស្រៀវស្រាញ
ដង្ហើមញាប់ (ចង្វាក់ដង្ហើមកើនឡើង)
បេះដូងដើរញាប់
ស្តាប់សួត ធម្មតានៅពេលដំបូង Rales Crepitants (យូរបន្តិចមក)
ថ្លើមរីកធំ
នោមតិច ហើមមុខ
សសៃវ៉ែន Jugulaire ឡើងតឹងបន្តិច
ជួនកាលមានសញ្ញា ប៉ះពាល់ស្រោមខួរមិនច្បាស់លាស់ ។

ការវិវត្តន៍ឆ្ពោះទៅរកសភាពស្ហុកជាមួយនិងហើមសួត បើមិនព្យាបាលដោយឆាប់រហ័សទេ ។

រោគវិនិច្ឆ័យញែក ៖ ការឆ្លងរោគបណ្តាលពីបាក់តេរីខ្លាំងក្លា ជាមួយ Acidose Metabolique (ដង្ហើមញាប់) គ្រុនចាញ់ស្មុគស្មាញ ។

អេម៉ាតូគ្រីត និងអេម៉ូក្លូប៊ីនធម្មតា ។

ការព្យាបាល អះអាងពីរោគវិនិច្ឆ័យ ៖ ការធូរស្បើយយ៉ាងឆាប់រហ័ស (ទឹកនោម ចង្វាក់បេះដូង ជីពចរ) ។

ទំរង់ស្ទើរស្រួចស្រាវនៃទារក (Forme Pseudo-Meningee ឬ aphonique)

ជាញឹកញាប់ ចំពោះទារកអាយុច្រើនបន្តិច (៥ទៅ១១ខែ)
ហត់ ក្អក និយាយមិនចេញសម្លេង (ឬនិយាយពិបាកហើយ ឮខ្សាវៗ)
មិនងងុយ ឡេះឡោះ បរិភោគអាហារមិនបាន
មិនងងុយ ទន់រឡឹក ជួនកាលមានសញ្ញាប៉ះពាល់ស្រោមខួរ ជាញឹកញាប់ កន្ត្រាក់គ្រាប់ភ្នែក ជួនកាលរីកកូនក្រមុំ
នោមតិច

LCR ធម្មតា

ការព្យាបាលអះអាងពីរោគវិនិច្ឆ័យ ប៉ុន្តែការធូរស្រាលមានសភាពយឺត (២ទៅ៣ថ្ងៃ) ។

មនុស្សធំ និងកុមារធំ (Enfants Plus Ages) មានសញ្ញាគ្លីនិកច្បាស់លាស់

ទម្រង់សើម ឬបេះដូង (ទម្រង់ស្រួចស្រាវ)

ត្រូវគិតទៅរក បើមានការប៉ះពាល់មុខងារនៃបេះដូង ហើយមិនឆ្លើយតបនឹងការព្យាបាលធម្មតា
នៅដំណាក់ការដំបូង សម្ពាធឈាម មានចន្លោះឃ្លាតគ្នាខ្ពស់
ហត់ បេះដូងដើរលឿន ហើម
ការថតដោយកាំរស្មី X លើទ្រូង ពេលដំបូងបេះដូងមានមាឌធម្មតា បេះដូងរីក លេចឡើងនៅពេលបន្តិចក្រោយមក ។

ទម្រង់ស្ងួត ឬរលាកសសៃប្រសាទច្រើន (ទម្រង់ស្ទើរស្រួចស្រាវ ឬរាំរ៉ៃ)

តារាងរលាកសសៃប្រសាទច្រើន ប៉ះពាល់ទាំងសងខាង ជាមួយការខ្សោយ Moteur និង Sensoriel
Paresie និង Paresthesie ខាងចុងអវៈយវៈ (ពិបាកដើរ)
ការវិវត្តន៍ឆ្ពោះទៅរក Paralysie Flasque ជាមួយការស្វិតសាច់ដុំ និងចុះថយវេទនារម្មណ៍
រ៉េផ្លិច Osteo-tendineux ខ្សោយ ឬបាត់ ។

ទម្រង់ខួរក្បាល (ជំងឺខួរក្បាលនៃ Gayet-Wernicke)

ក្អួត
កន្ត្រាក់គ្រាប់ភ្នែក
គ្រុន
បាត់តុល្យភាព
វង្វេងវង្វាន់ ឬសន្លប់

ការព្យាបាល

ត្រូវប្រើ Thiamine (ចាក់សសៃយឺតៗ ឬចាក់សាច់ដុំ)

ទម្រង់ស្រួចស្រាវនៃទារក
ទម្រង់នៃបេះដូងស្រួចស្រាវ
ទម្រង់ខួរក្បាល

ការចាក់ Thiamine តាមសសៃ អាចគ្រោះថ្នាក់ (Choc Thiaminique) (ប្រតិកម្មអាណាហ្វីឡាក់ទិក អាចបណ្តាលមកពីការចាក់ច្រើនដង)

ត្រូវគោរពកម្រិតថ្នាំ និងចាក់ដោយយឺតៗ (ជាពិសេសលើទារក)
ត្រូវឲ្យអ្នកជំងឺប្រើថ្នាំលេបជាបន្តយ៉ាងឆាប់រហ័ស ដែលអាចធ្វើបាន ។

ទម្រង់ស្រួចស្រាវនៃទារក

ថ្ងៃទី១ ចាក់១ម.ល នៃ Thiamine (១០០ម.ក្រ) លាយជាមួយ ទឹកសម្រាប់ចាក់ ១០ម.ល ។ ចាក់ល្បាយនេះ ១ម.ល (១០ម.ក្រនៃ Thiamine) ចាក់សសៃយ៉ាងយឺតៗ ចាក់ម្តងទៀតជាយថាហេតុ បន្ទាប់ពី ៣០នាទី ។ បន្ទាប់ចាក់សាច់ដុំ ២៥ម.ក្រ ។ បើចាក់សសៃពុំបានទេ ចាក់សាច់ដុំ ៥០ម.ក្រ/ថ្ងៃ នៅថ្ងៃទី១ ។
ចាប់ពីថ្ងៃទី២ ជាធម្មតាគេត្រូវប្តូរមកព្យាបាលដោយថ្នាំគ្រាប់វិញ ។ ក្មេងដែលបំបៅដោយទឹកដោះម្តាយ ៖ ព្យាបាលម្តាយដោយ Thiamine លេប ១០០ម.ក្រ/ថ្ងៃ រយៈពេល១ខែ ។ ក្មេងផ្តាច់ដោះ ប្រើ Thiamine លេប ១០ម.ក្រ/ថ្ងៃ រយៈពេល១ខែ ។

ទម្រង់ស្ទើរស្រួចស្រាវនៃទារក

ថ្ងៃទី១ Thiamine ២៥ម.ក្រ ចាក់សាច់ដុំ ២ដង/ថ្ងៃ ។
ចាប់ពីថ្ងៃទី២ ជាធម្មតាគេត្រូវប្តូរមកព្យាបាល ដោយថ្នាំគ្រាប់វិញ ។ ក្មេងបៅដោះ ព្យាបាលម្តាយដោយ Thiamine លេប១០០ម.ក្រ/ថ្ងៃ រយៈពេល ១ខែ ។ ក្មេងលែងដោះ ប្រើ Thiamine លេប ២០ម.ក្រ/ថ្ងៃ រយៈពេល១ខែ ។

ទម្រង់ស្រួចស្រាលនៃមនុស្សធំ និងកុមារធំ (នៃបេះដូង ឬខួរក្បាល)

ថ្ងៃទី១ Thiamine ៥០ម.ក្រ ចាក់សសៃយឺតៗ ៣ដងក្នុង១ថ្ងៃ ។
ចាប់ពីថ្ងៃទី ២ ជាធម្មតាគេត្រូវប្តូរមកព្យាបាល ដោយថ្នាំគ្រាប់វិញ រយៈពេល ១ខែ Thiamine លេប ១០០ម.ក្រ/ថ្ងៃ ។

ទម្រង់រ៉ាំរ៉ៃនៃមនុស្សធំ និងកុមារធំ