នៅពេលរាងកាយរបស់មនុស្សម្នាក់មានសីតុណ្ហភាពខ្លាំង គេនិយាយថាគាត់មានគ្រុនក្តៅ ។ គ្រុនក្តៅមិនមែនជាជំងឺទេ ប៉ុន្តែវាអាចជារោគសញ្ញានៃជំងឺផ្សេងៗជាច្រើន ។ ទោះជាយ៉ាងណាក៏ដោយ គ្រុនក្តៅខ្លាំងអាចបណ្តាលអោយគ្រោះថ្នាក់បាន ពិសេសចំពោះកុមារតូចៗ ។
នៅពេលមនុស្សម្នាក់មានគ្រុនក្តៅ
- កុំដណ្តប់អ្វីឲ្យគាត់ : ចំពោះកុមារតូចៗ គួរដោះសម្លៀកបំពាក់ចេញហើយទុកខ្លួនឲ្យនៅទទេ រហូតដល់គ្រុនក្តៅថយចុះវិញ ។ ខ្យល់បរិសុទ្ធ ឬខ្យល់ត្រជាក់ នឹងមិនធ្វើឲ្យមានគ្រោះថ្នាក់ដល់អ្នកដែលមានគ្រុនក្តៅទេ ។ ផ្ទុយទៅវិញ ខ្យល់ត្រជាក់បរិសុទ្ធអាចជួយឲ្យគ្រុនក្តៅចុះថយ ។
- ការលេបថ្នាំអាស្ពីរិន ក៏អាចបន្ថយគ្រុនក្តៅដែរ ។ ចំពោះកុមារតូចៗ វានឹងមានសុវត្ថិភាពជាង បើគេអាចឲ្យលេបថ្នាំអាសេតាមីណូហ្វែន (Acetaminophen) ប៉ុន្តែសូមប្រយ័ត្ន កុំអោយប្រើច្រើនពេក ។
- អ្នកណាដែលមានគ្រុនក្តៅគួរផឹកទឹកឲ្យបានច្រើន ទឹកផ្លែឈើ ឬទឹកផ្សេងៗទៀត ។ ចំពោះកុមារតូចៗ ជាពិសេសទារក គួរឲ្យផឹកទឹកដែលដាំឆ្អិន ហើយទុកឲ្យត្រជាក់ ។ ត្រូវប្រាកដថា កុមារមានបត់ជើងតូចយ៉ាងទៀងទាត់ ។ ប្រសិនបើកុមារមិនបត់ជើងតូចបានច្រើនទេ ឬទឹកនោមមានពណ៌ចាស់ ផ្តល់ទឹកឲ្យបានច្រើនថែមទៀត ។
- បើអាចធ្វើបាន ស្វែងរកនិងព្យាបាលមូលហេតុដែលបណ្តាលឲ្យមានគ្រុនក្តៅនេះ ។
ដកស្រង់ពីសៀវភៅ ទីណាគ្មានវេជ្ជបណ្ឌិត សម្រាប់ការថែទាំសុខភាពជនបទ
0 comments:
Post a Comment