ជំងឺទឹកនោមផ្អែម និងដំបៅក្លាយ

ទឹកនោមផ្អែមជាញឹកញយតែងតែមានដំបៅក្លាយ ដូចគេឃើញនៅក្នុងការអនុវត្តន៍គ្លីនិក ប៉ុន្តែមិនមាន មូលហេតុភស្តុតាំងច្បាស់លាស់ទេ ។ ភាពប៉ះពាល់នៃមុខងាររបស់កោសិកា២ប្រភេទ គឺអ្នកសម្រួលប្រព័ន្ធការពារខ្លួន និងអ្នកមានទម្រង់ច្រើនណ្វៃយ៉ូ ត្រូវបានគេពិសោធន៍ឃើញប៉ុន្តែតួនាទីច្បាស់លាស់ នៅក្នុងមនុស្សមិនទាន់បានបង្ហាញនៅឡើយទេ ។
ការថយចុះនូវការស្រោចស្រពមកពីភាពមិនធម្មតានៃចរន្តសសៃឈាមតូចៗ និងការប៉ះពាល់សសៃវិញ្ញាណអាចធ្វើឲ្យកាន់តែធ្ងន់ធ្ងរនូវជោគវាសនា អ្នកជំងឺពេលមានដំបៅក្លាយកើតឡើង ។
ប្រព័ន្ធការពារខ្លួនទាំងមូលទ្រុឌទ្រោមក្នុងការប្រឆាំងទល់នឹងមេរោគឈ្លានពាន ភាពខ្វះចន្លោះនៃមុខងារការពារកើតមានច្រើននៅនឹងកន្លែង ដែលរួមជាមួយដំបៅក្លាយមួយចំនួន ក្នុងជំងឺទឹកនោមផ្អែម ។

ការប៉ះពាល់ស្បែក

ដោយប្រព័ន្ធការពារខ្លួនចុះ និងការឡើងជាតិស្ករ មេរោគមួយចំនួនទោះមានភាពពិសពុលទាប ក៏អាចបណ្តាលឲ្យមានដំបៅក្លាយយ៉ាងងាយទៅលើស្បែកដែលខូចខាត ។
ស្តាហ្វីឡូកូកអូរេអ៊ុស ជាមេរោគដំបៅក្លាយសម្រាប់បូសទ្រនិច បូសធំ និងអាប់សែ ដែលសុទ្ធតែជាដំបៅក្លាយ ដែលគេតែងសង្កេតឃើញលើស្បែកធម្មតា ។

រោគវិនិច្ឆ័យ

ធ្វើការបញ្ជាក់ដោយច្រិបយកទៅមើល (Biopsy) ពីកន្លែងមានជំងឺ

ការព្យាបាល

ប្រើថ្នាំពេទ្យដែលត្រូវមេរោគច្រើនប្រភេទ ថ្នាំប្រឆាំងពួកផ្សិត

ជំងឺរបេង

របេងកើតមានយ៉ាងធម្មតាជាមួយនឹងអ្នកជំងឺទឹកនោមផ្អែមនៅប្រទេសឥណ្ឌា

រោគវិនិច្ឆ័យ

ថតសួតពីមុខ
ពិនិត្យកំហាក និងទឹកនោម
ពិនិត្យឈាម

រោគសញ្ញា

ស្រកទម្ងន់
មានគ្រុនក្តៅ និងញាក
ភាពខ្សោយ(អស់កម្លាំង)
នោមញឹកញាប់ច្រើនហួស

ការព្យាបាល

ថ្នាំរបេង INH, Rifampicin, Ethambutol និង Pyrazinamide
Rifampicin និង INH មានអន្តរកម្មជាមួយថ្នាំគ្រាប់បញ្ចុះជាតិស្ករ ដូច្នេះត្រូវជ្រើសអាំងស៊ុយលីន ក្នុងការចាប់ផ្តើមព្យាបាលជំងឺទឹកនោមផ្អែម ។