មុនការធ្វើដំណើរដ៏វែងមួយ ការពិនិត្យវេជ្ជសាស្ត្រជាសំខាន់សម្រាប់បញ្ជាក់ច្បាស់ថាទឹកនោមផ្អែមមានការគ្រប់គ្រងបានល្អ ។
កញ្ចប់ពេលធ្វើដំណើរ
ទោះបីអ្នកធ្វើដំណើរដោយឡាន យន្តហោះ ទូក កង់ ឬដោយដើរ អ្នកជំងឺត្រូវការរក្សាកាបូបសម្ភារៈតាមខ្លួនជាប្រចាំ នៅក្នុងកាបូបនេះត្រូវមាន ៖
- គ្រប់ចំនួនអាំងស៊ុយលីន ស៊ីរ៉ាំង សម្ភារៈសម្រាប់តេស្តឈាម និងទឹកនោម (រួមទាំងថ្មពិលសម្រាប់ប្រដាប់ជួសឈាម)
- ថ្នាំគ្រាប់ផ្សេងៗ (យកបន្ថែមឲ្យលើសចំនួនជាការល្អ)
- ថ្នាំផ្សេងៗទៀត ឬសម្ភារៈពេទ្យផ្សេងៗដូចជា គ្លុយកាហ្គុង ថ្នាំសម្រាប់រាគ ថ្នាំផ្សះសម្រាប់លាប ថ្នាំសម្រាប់ក្អួត
- អត្តសញ្ញាណប័ណ្ណ និងកូនកំណត់ត្រាទឹកនោមផ្អែម
- វេចខ្ចប់ឲ្យបានល្អនូវអាហារសម្រាប់ត្រៀមដូចជា នំប៊ីស្គីត ហ្វ្រូម៉ា នំប៊័រសណ្តែកដី ទឹកផ្លែឈើ ផ្លែឈើ និងប្រភេទស្ករមួយចំនួន (ស្ករគ្រាប់ រឺដុំស្ករ) សម្រាប់ពេលចុះកម្រិតជាតិស្ករ ។
អាំងស៊ុយលីនពេលធ្វើដំណើរ
- អាំងស៊ុយលីនពេលទុកនៅកន្លែងក្តៅ ឬត្រជាក់ខ្លាំងអាចបាត់គុណភាពរបស់វា ។ ចូរកុំទុកអាំងស៊ុយលីននៅក្នុងគ្លុបឡាន ឬកន្លែងហប់ឈឹង ។
- អាំងស៊ុយលីនដែលប្រើនៅស្រុកខ្មែរមានបរិមាណ 100UI
ការឆ្លងកាត់តំបន់ម៉ោងគោល
បើអ្នកជំងឺដែលប្រើអាំងស៊ុយលីនបាញ់បញ្ចូល និងត្រូវឆ្លងកាត់ទៅតំបន់ផ្សេងដែលមានម៉ោងគោលខុសគ្នា ចូរគិតថា
- ការធ្វើដំណើរទៅផ្នែកខាងកើតដែលមានរយៈពេលខ្លីជាង តម្រូវការអាំងស៊ុយលីនតិចជាង
- ការធ្វើដំណើរទៅផ្នែកខាងលិចដែលមានរយៈពេលវែងជាង តម្រូវការអាំងស៊ុយលីនច្រើនជាង
- ដើម្បីរក្សាសំណៅនៃថ្នាំចាក់ និងរបបអាហារនៅក្នុងកំឡុងពេលប្រែប្រួលម៉ោងគោល សូមឲ្យអ្នកជំងឺរក្សា នាឡិការបស់ខ្លួននូវម៉ោងដដែលដូចមុនពេលធ្វើដំណើរទៅរហូតដល់ព្រឹកក្រោយពីទៅដល់ផ្ទះ ។
ដកស្រង់ចេញពីអត្ថបទអំពីជំងឺទឹកនោមផ្អែម
0 comments:
Post a Comment