ការព្យាបាលជ្រាំងអណ្តាត នៅកុមារ

ផ្ទាំង ពណ៌សនៅលើអណ្តាត ឬក្នុងមាត់ នឹងធ្វើឲ្យទារកឈឺក្រហាយពេលបៅដោះ។

វាអាចជាសញ្ញានៃមេរោគផ្សិតនៅក្នុងមាត់ ដែលគេហៅថាជ្រាំង។

មេរោគនេះអាចឆ្លងទៅក្បាលដោះម្តាយ ដែលធ្វើឲ្យវាឡើងក្រហមរមាស់និងឈឺ ។

ការព្យាបាល

ត្រូវ ព្យាយាមលាងក្បាលដោះដោយទឹកខ្មេះតិចៗ ហើយលាងទឹកចេញ។ ឬបើអ្នកគ្មានទឹកខ្មេះទេ គ្រាន់តែលាងដោះសំអាតថ្នមៗដោយទឹក ហើយជូតក្បាលដោះឲ្យស្ងួតបន្ទាប់ពីការបំបៅដោះ។ បើនៅតែមិនអាចព្យាបាលជំងឺជ្រាំងនេះបានទេ ត្រូវលាបថ្នាំពណ៌ស្វាយលើក្បាលដោះពីរដងក្នុង១ថ្ងៃ និងលាបឲ្យបាន៣ថ្ងៃ។ ត្រូវលាបក្នុងមាត់ទារកឲ្យបានម្តងក្នុង១ថ្ងៃ(ធ្វើឲ្យមាត់ទារកនិង ក្បាលដោះមាន
ពណ៌ស្វាយ តែវាមានសុវត្ថិភាព)

ប្រើថ្នាំ Daktarin (Miconazone) Oral Gel លាបក្នុងមាត់កុមារនិងអណ្ដាត ៣ដង/ថ្ងៃ មុនបៅដោះ ឬញុាំ ៣០ នាទី។ ត្រូវបន្តលាបក្នុងមាត់កុមារនិងអណ្ដាតអោយបាន១អាទិត្យទៀតទោះជាអស់ជ្រាំងអណ្តាត។

បើ ជំងឺជ្រាំងមាត់កើតម្តងហើយម្តងទៀត នោះទារកប្រហែលជាមានបញ្ហាសុខភាពផ្សេងទៀតដែលធ្វើឲ្យសរីរាង្គ ទារកខ្សោយក្នុងការទប់ទល់ប្រឆាំងនឹងមេរោគ។ ឧទាហរណ៍ ទារកដែលមានផ្ទុកមេរោគហ៊ីវតែងតែកើតជំងឺជ្រាំងច្រើនដង។