ការធ្វើឲ្យមនុស្សដែលមានជំងឺគ្រុនផ្តាសាយមានផាសុកភាព

វាជាធម្មតាសម្រាប់មនុស្សដែលមានជំងឺគ្រុនផ្តាសាយមានការឈឺខ្លួន ឈឺក្បាល ឈឺក តឹងច្រមុះ និងមានអារម្មណ៍ខ្សោយ និងហត់ ។

ការឈឺខ្លួន និងភាពមិនស្រួលផ្សេងទៀត

ជួយសមាជិកគ្រួសារដែលឈឺឲ្យប្តូរឥរិយាបថលើគ្រែ នៅពេលភ្ញាក់ខ្លួន ។ មនុស្សដែលអាចចេញពីគ្រែបានគួរដើរតិចៗ ជុំវិញបន្ទប់របស់ពួកគេ ២ឬ៣ដងរៀងរាល់ថ្ងៃ ។

ថ្នាំដូចជា Acetaminophen (ដូចជា Tylenol ឬម៉ាកផ្សេងទៀត) និង Ibuprofen (ដូចជា Advil, Motrin ឬម៉ាកផ្សេងទៀត) អាចធ្វើឲ្យការឈឺក្បាល និងការឈឺខ្លួនដែលទាក់ទងជំងឺគ្រុនផ្តាសាយធូរស្រាល ។ មនុស្សពេញវ័យអាចប្រើថ្នាំ Aspirin (ដូចជា Bayer ឬម៉ាកផ្សេងទៀត) បាន ។ ប្រើថ្នាំឲ្យបានត្រឹមត្រូវតាមអាយុរបស់មនុស្សនោះ និងធ្វើតាមសេចក្តីបង្គាប់លើស្លាកដោយយកចិត្តទុកដាក់ ។

ផ្តល់បរិយាកាសស្ងប់ស្ងៀម ដូច្នេះអ្នកឈឺអាចសម្រាក និងមានភាពស្ងប់ ។ គាត់អាចរងារញាក់នៅពេលខ្លះ ហើយពេលខ្លះទៀតមានអារម្មណ៍ក្តៅខ្លាំង ។ ទុកភួយស្រាលៗជិតនោះ ដូច្នេះពួកគេអាចយកវាចេញ ឬបន្ថែមវាពេលត្រូវការ។ ស្លៀកសម្លៀកបំពាក់គេងឲ្យកូនក្មេងរលុងៗ មានផាសុកភាពដែលអាចដណ្តប់បន្ថែមសម្រាប់ភាពកក់ក្តៅ ឬមិនសូវកក់ក្តៅ ។

ការតឹងច្រមុះ

ពេលខ្លះ ការតឹងច្រមុះ គឺជារោគសញ្ញានៃជំងឺគ្រុនផ្តាសាយ ។ វាក៏អាចមានទឹកសម្បោរថ្លាចេញពីច្រមុះ (ហៀរសម្បោរ) ផងដែរ ។ ទោះជាយ៉ាងនេះក្តី ការតឹងច្រមុះ ឬការហៀរសម្បោរ គឺកើតឡើងជាទូទៅនៅពេលផ្តាសាយ និងមានរោគប្រតិកម្មរលាកជាជាងជំងឺគ្រុនផ្តាសាយ ។

វិធីដើម្បីជួយបន្ធូរការតឹងច្រមុះ

ពិសាទឹក ទឹកផ្លែឈើ តែ ឬស៊ុបឲ្យបានគ្រប់គ្រាន់
ប្រើម៉ាស៊ីនផ្សើមខ្យល់ស្អាតត្រជាក់ ឬចំហាយទឹកពីទឹកផ្កាឈូកក្តៅ ឬងូតទឹកក្តៅដើម្បីជួយឲ្យច្រមុះ និងកមានសំណើម ។
ប្រើប្រដាប់ជួយដង្ហើមដែលលក់នៅហាងថ្នាំភាគច្រើន ដើម្បីជួយឲ្យអ្នកឈឺដកដង្ហើមតាមច្រមុះបានស្រួល ។ ធ្វើតាមសេចក្តីបង្គាប់លើកញ្ចប់ដោយយកចិត្តទុកដាក់ ។ ប្រដាប់ជួយដង្ហើមមិនគួរឲ្យក្មេងអាយុក្រោម ៥ឆ្នាំប្រើឡើយ ។
ប្រើទឹកបាញ់មានជាតិអំបិល ឬឲ្យក្បាលគេបញ្ឈរ ។ ពួកកូនក្មេង និងគ្រែកូនក្មេង អាចលើកឡើងបន្តិចដោយការដាក់សៀវភៅទ្រាប់ក្រោមជើងនៃក្បាលគ្រែ
ត្រូវប្រាកដថាគ្មានផ្សែងនៅក្នុងផ្ទះពេលនរណាម្នាក់ឈឺ ។

ប្រសិនបើទារកដែលតឹងច្រមុះមានបញ្ហាក្នុងការបំបៅពីដោះម្តាយ ឬកំប៉ុង អ្នកអាចលាងច្រមុះរបស់គេ ដោយប្រើស៊ីរ៉ាំង ទ្រវែងធ្វើពីជ័រមុនពេលបំបៅម្តងៗ ។ ចំពោះសម្បោរក្រាស វេជ្ជបណ្ឌិតអាចផ្តល់អនុសាសន៍ឲ្យប្រើដំនក់ទឹកមានជាតិអំបិលបាញ់ចូលច្រមុះ ។

ការប្រើស៊ីរ៉ាំងទ្រវែង

ច្របាច់ផ្នែកទ្រវែងនៃស៊ីរ៉ាំងជាមុនសិន
បញ្ចូលចុងជ័រថ្នមៗទៅក្នុងរន្ធច្រមុះម្ខាង
បន្ធូរផ្នែកទ្រវែងយឺតៗ
លាងបន្ទាប់ពីការប្រើម្តងៗ

ថ្នាំតឹងច្រមុះ

ថ្នាំសម្រួលដង្ហើមដូចជា Sudafed ឬ Contac អាចជួយធ្វើឲ្យការតឹងច្រមុះសម្រាប់មនុស្សពេញវ័យធូរស្បើយ ។ ក្មេងមិនគួរទទួលថ្នាំសម្រួលដង្ហើមឡើយ ។ ថ្នាំទាំងនោះគ្មានប្រសិទ្ធភាពចំពោះក្មេងឡើយ ហើយអាចផ្តល់ផលប៉ះពាល់ធ្ងន់ធ្ងរ
ថ្នាំព្យាបាលរោគប្រតិកម្មរលាកដូចជា Benadryl ឬ Claritin អាចកាត់បន្ថយចំនួនសម្បោរសម្រាប់មនុស្សពេញវ័យ ។ ចូរកុំឲ្យក្មេងប្រើថ្នាំព្យាបាលរោគប្រតិកម្មរលាក លុះត្រាតែវេជ្ជបណ្ឌិតផ្តល់អនុសាសន៍ឲ្យប្រើ ។

ថ្នាំព្យាបាលរោគប្រតិកម្មរលាក និងផ្តាសាយមានធាតុផ្សំជាច្រើន និងមិនជួយច្រើនណាស់ណាទេ ។ ថ្នាំទាំងនោះអាចបង្កគ្រោះថ្នាក់ដល់កូនក្មេងផងដែរ ។ ធ្វើតាមសេចក្តីបង្គាប់លើកញ្ចប់ដោយយកចិត្តទុកដាក់ជានិច្ច ។ ប្រសិនបើអ្នកមានសំនួរផ្សេងៗ សូមពិភាក្សាជាមួយវេជ្ជបណ្ឌិតរបស់អ្នក ។

ពេលត្រូវហៅទូរស័ព្ទទៅវេជ្ជបណ្ឌិត

ក្មេង

ហៅទូរស័ព្ទទៅវេជ្ជបណ្ឌិតប្រសិនបើក្មេងមានរោគសញ្ញាទាំងនេះណាមួយ ៖

ភាពលំបាកបៅដោះម្តាយ បៅពីកំប៉ុង ឬផឹកទឹក
ភាពលំបាកដកដង្ហើម ។ ការដកដង្ហើមអាចលឿនជាងធម្មតា ។ ក្មេងអាចពិបាកដកដង្ហើម ។ ក្មេងទើបចេះដើរតេះតះ ឬកូនក្មេងអាចបន្ទាបខ្លួនចុះ ឬទ្រោបទៅមុខបន្តិចដើម្បីឲ្យដកដង្ហើមបានងាយ ។
អាកប្បកិរិយាផ្លាស់ប្តូរដូចជាភាពមិនសូវសម្រាកកើនឡើង ការថប់អារម្មណ៍ និងការឆាប់ខឹង ។ ដោយសារការដង្ហើមកាន់តែពិបាក ក្មេងអាចគេងលក់ដោយមានអារម្មណ៍មិនស្កប់ ។
ការប្រែពណ៌ស្បែក

មនុស្សជំទង់ ឬមនុស្សពេញវ័យ

ហៅទូរស័ព្ទទៅវេជ្ជបណ្ឌិតប្រសិនបើអ្នកឈឺមានរោគសញ្ញាទាំងនេះណាមួយ ៖