ជំងឺក្រឡាភ្លើង (Pre-Eclampsia)

ជាទូទៅខ្មែរយើងចំណាំហៅថា ព្រាយក្រឡាភ្លើង(Pre-Eclampsia) គឺជាជំងឺមួយដែលអាចកើតមានឡើងតែ ក្នុងអំឡុងពេលស្ត្រីមានផ្ទៃពោះ (គិតបន្ទាប់ពីសប្តាហ៍ទី២០នៃការមានផ្ទៃពោះ) ដោយបង្កឱ្យមានផលប៉ះពាល់ទៅដល់សុខភាពម្តាយ និងទារក។

១) មូសហេតុបណ្តាលឲ្យកើតមានជំងឺព្រាយក្រឡាភ្លើង

ការលើសសម្ពាធឈាម
បរិមាណមិនប្រក្រតីនៃប្រូតេអ៊ីននៅក្នុងទឹកនោម
ខ្វះអាហាររូបត្ថម្ភ
ស្ត្រីមានកូនលើកដំបូង
ស្ត្រីមានកូនច្រើនហើយញឹក
ស្ត្រីពរពោះដែលមានអាយុលើសពី៣៥ឆ្នាំ
ស្ត្រីធ្លាប់មានប្រវត្តកើតជំងឺមុនពេលមានផ្ទៃពោះ(លើសសម្ពាធឈាមរ៉ាំរ៉ៃ ជំងឺទឹកនោមផ្អែម ឬជំងឺតម្រងនោមជាដើម)។

២) រោគសញ្ញាដែលអាចស្តែងចេញ:

ការឡើងហើម នៃប្រអប់ដៃ, ប្រអប់ជើងមុខ និងផ្នែកផ្សេងទៀតនៃរាងកាយ
ប្រកាច់និងកន្ត្រាក់
ឈឺក្បាលបែបប្រកាំង

៣) ផលប៉ះពាល់:

កូនស្វិត
កូនកើតមិនគ្រប់ខែ
កូនស្លាប់ក្នុងពោះ
វិបត្តិធ្ងន់ធ្ងរអាចធ្វើអោយម្តាយឈានទៅដល់ដាច់សរសៃឈាមខួរក្បាល

៤) វិធីការពារ:

ញ៉ាំអាហារដែលសំបូរទៅដោយជីវជាតិ និងវីតាមីន
កុំញ៉ាំអាហារដែលមានជាតិប្រៃពេក និងអាហារផ្អាប់ ដូចជាប្រហុក ផ្អក…
ត្រូវមកធ្វើការពិនិត្យផ្ទៃពោះឲ្យបានទៀងទាត់ជាមួយវេជ្ជបណ្ឌិតឯកទេស ក្នុងការរាវរកសញ្ញាគ្រោះថ្នាក់ដែលគាត់អាចមានដើម្បីអាចធ្វើការព្យាបាល ឬអន្តរាគមន៌វេជ្ជសាស្ត្រទាន់ពេលវេលា។