របៀបផ្តល់ឱសថ Diazepam តាមរន្ធគូថ

ការផ្តល់ Diazepam តាមរន្ធគូថ

បូមឱសថ Diazepam ពីអំពូលស៊ីរ៉ាំង 1ml ។ ត្រូវកំណត់កម្រិតថ្នាំ Diazepam ទៅតាមទម្ងន់របស់កុមារ ។ បន្ទាប់មកដោះម្ជុលចេញ ។
ស៊កស៊ីរ៉ាំងចូលក្នុងរន្ធគូថប្រហែល 4-5cm ហើយបាញ់ Diazepam បញ្ចូល ។
ច្របាច់កំប៉េះគូថកុមារចូលគ្នា 2-3 នាទី ។

ការផ្តល់ឱសថ Diazepam (1 អំពូលមាន 10mg/2ml) តាមអាយុ (ទម្ងន់) ខ្លួនរបស់កុមារ គិតតាម 0.1ml/kg

2សប្តាហ៍ -2ខែ (<4kg) ផ្តល់ 0.3ml
2ខែ - ក្រោម 4ខែ (4-<6kg) ផ្តល់ 0.5ml
4ខែ - ក្រោម 12ខែ (6-<10kg) ផ្តល់ 1.0ml
1ឆ្នាំ - ក្រោម 3ឆ្នាំ (10-<14kg) ផ្តល់ 1.25ml
3ឆ្នាំ - ក្រោម 5ឆ្នាំ (14-19kg) ផ្តល់ 1.5ml

ប្រើ Phenobarbital (1អំពូលមាន 200mg/ml) ក្នុងកម្រិតថ្នាំ 20mg/kg ដើម្បីគ្រប់គ្រងការប្រកាច់ចំពោះទារកអាយុក្រោម២សប្តាហ៍ ៖

ទម្ងន់ 2kg - កម្រិតថ្នាំដំបូង 0.2ml 30mn ក្រោយមកចូរប្រើ 0.1ml
ទម្ងន់ 3kg - កម្រិតថ្នាំដំបូង 0.3ml 30mn ក្រោយមកចូរប្រើ 0.15ml

បើការប្រកាច់នៅតែបន្តក្រោយពី 10mn ចូរផ្តល់កម្រិតថ្នាំ Diazepam 1ដងទៀត (ឬផ្តល់ Diazepam តងាមសសៃចំនួន 0.05ml/kg=0.25mg/kg បើកំពុងបញ្ចូលសេរ៉ូម) ។

មិនត្រូវផ្តល់ Diazepam លើសពី២ដូសឡើយ

បើប្រកាច់នៅតែបន្ត ក្រោយពី ១០នាទីទៀត ចូរសង្ស័យលើការប្រកាច់ជាប់ជានិច្ច (Status Epilepticus) ៖

ផ្តល់ Phenobarbital តាមសាច់ដុំ ឬតាមសសៃឈាម ចំនួន 15mg/kg រយៈពេល 15mn ឬ
ផ្តល់ Phyntoin តាមសសៃឈាម ចំនួន 15-18mg/kg រយៈពេល៦០នាទី (ចាក់ខុសពីកន្លែងសសៃឈាមដែលបានចាក់ Diazepam) ។ ត្រូវបញ្ជាក់ច្បាស់ថាម្ជុលចូលក្នុងសសៃឈាមបានល្អ ព្រោះឱសថនេះមានជាតិកាត់ និងបណ្តាលអោយរលលាកតាមកន្លែងដែលវាជ្រាបចេញទៅ ។

ប្រសិនបើគ្រុនក្តៅខ្លាំង ៖

ដោះសម្លៀកបំពាក់កុមារដើម្បីបន្ថយកម្តៅ
មិនត្រូវផ្តល់ឱសថតាមមាត់ទេ រហូតអាចគ្រប់គ្រងការប្រកាច់របស់កុមារបាន (គ្រោះថ្នាក់នៃការឈ្លក់ចូលក្នុងសួត)
បន្ទាប់ពីឈប់ប្រកាច់ហើយកុមារអាចលេបឱសថបាន ចូរផ្តល់ Paracetamol ឬ Ibuprofen ។

ការប្រុងប្រយ័ត្ន ៖ ត្រូវត្រៀមទុកឧបករណ៍សប់បញ្ចូលខ្យល់ដែលដំណើរការ និងភ្ជាប់ម៉ាសមុខជាប់ជានិច្ច សម្រាប់ករណីកុមារឈប់ដកដង្ហើម ជាពិសេសពេលផ្តល់ឱសថ Diazepam ។

ដកស្រង់ចេញពីសៀវភៅហោប៉ៅស្តីពីការថែទាំព្យាបាលក្នុងមន្ទីរពេទ្យសម្រាប់កុមារ